• 開春美妝祭
  • 今日66折
  • 天天BUY

2012台文通訊BONG報年度選

  • 定價:200
  • 優惠價:9180
  • 本商品單次購買10本85折170
  • 運送方式:
  • 臺灣與離島
  • 海外
  • 可配送點:台灣、蘭嶼、綠島、澎湖、金門、馬祖
  • 可取貨點:台灣、蘭嶼、綠島、澎湖、金門、馬祖
載入中...
 

內容簡介

  《台文通訊》本成是美國洛杉磯一陣台文寫作會ê成員發表作品ê平台,後--來,發展成做海內外台文運動者共同ê平面媒體。《台文BONG報》是《台文通訊》台灣總連絡處台北寫作會佇1996年另外創辦,定位做「台語文學專門雜誌」。2012年,兩个刊物合併做《台文通訊BONG報》,希望會當發展做一份台語文綜合雜誌,予台語存在佇咱生活ê每一个角落,記錄、描寫生活ê每一个細節。咱ê台語文學會當再現生活ê每一个領域,關心每一个階層ê台灣人,共文學當做是各行各業台灣人ê心聲表達,毋是kán-ná少數文人雅士ê專利。
 
  這本年度選是對《台文通訊BONG報》規年刊--出ê作品中精選--出-來-ê,有詩11首、散文5篇佮小說4篇,這份刊物ê台文作家群佇2012年ê創作,展示予逐家看,邀請逐家來欣賞用台文描寫ê故事。
 
 

作者介紹

作者簡介    

周定邦


  台南市將軍區青鯤鯓人、台灣說唱藝術工作室團長。第一趣味寫歌仔家己彈唱,作品有長篇歌仔《義戰噍吧哖》、《桂花怨》三phō,短篇歌仔幾若十篇。第二趣味寫劇本hām小說,作品有《孤線月琴》、《英雄淚》。

柯柏榮

  1965年出世,台南市安平人。慈幼高工電工科畢業。
  1998年4--月因為強盜案入台南監獄,2009年5月初七假釋出獄。
  2003年開始台語文學創作,以現代詩、散文為主。
  出獄了後捌擔任:「台文筆會」祕書長、「台灣歌仔冊學會」祕書長、《台語文教育報》執行編輯。

  現任:「台南市菅芒花台語文學會」總幹事、「台灣南部文創文教協會」祕書長、台南市國中小台語教師、《首都詩報》總編輯

  Tio̍h獎記錄:教育部、海翁、阿却賞、南瀛、府城、大墩、夢花等十外个文學獎。

  作品集:《娘仔豆ê春天》、《赤崁樓的情批》、《內籬仔的火金姑》等三本台語詩集。

王一如

  1987年出世tī彰化市一ê三代同堂ê大家庭內底,自細漢tio̍h lóng講台語,尤其唱真濟台語歌,hōo我感覺這個語言實在真趣味。台語這條路是我選擇ê,我會當利用拼音書寫kap編輯這寡優點互相結合,繼續拍拚,nǹg望有一工mā會使盡我ê能力kā台語ê媠報hōo koh khah濟人知影。

吳正任

  台灣高雄人,成大台文所研究生;捌擔任嘉興、前峰、燕巢、金山、中路等國小hām岡山、橋頭、阿蓮、前峰、後勁等國中ê台語文教師;有出台語詩文集《車過牛路彎》;台語現代詩入選《2006台語文學選》、《台語詩100首》;高雄縣政府聘做國中八年級閩南語教材編審委員,台語文作品選入國中閩南語教材;捌著「鹽份地帶文學創作獎」,「最有潛力(電影)編劇新人獎」(高縣府),台語文〈走揣惡地山河〉入選〈2009台語文學選〉kap〈鬥陣寫咱的土地---母語地誌散文集〉;台語現代詩、散文得著教育部第一屆母語文學獎,列入〈鳳邑文學百科全書〉作家名錄;2012教育部推展本土語言傑出貢獻獎榮譽。

洪錦田

  1949出世,台灣,彰化,鹿港人,十七歲出社會,現此時蹛新店ê暗坑。美麗島事件kap鄭南榕事件了後,徹底覺醒家己欲做啥款ê人。1992跤兜,kap台語學者洪惟仁教授學台語,開始寫台文。1995出台文冊《鹿港仙講古》接受社會指教。閒時,無停睏寫作,投稿予社團發表。捌做過台灣台語社義工、編輯,嘛捌擔任台文社團理事、執委、講師kap台語講演、徵文ê評審,民主電台ê台語文節目主持人。
 
  社會正職退休了後,全面自我反省。飫學無到ê所在加做學習;閒時,佐一寡田野調查、收集、寫作ê空課。

唐秉輝

  唐秉輝,興寫作參語言,1968年起蹛踮美國。1952年伊發表第一篇漢文作品,1956年10月初4因為伊心愛阿媽ê幫贊,tī已經過身ê李萬居先生發行ê前《台灣公論報》發表第一首台語詩,伊也tī1989年踮美國加州ê《太平洋時報》發表第一首英語詩。
 
  伊是國際醫療倫理kap法律年報〈Annals of International Medical Ethics and Law〉(一本以德文、英文參其他語言出版ê國際cultural magazine)編輯委員會ê受邀編輯以外,也是journal of Medical Ethics,Laws and History ê Advisor Board member, koh 是《The Church Herald》寫作事奉ê作者。伊捌tī美國哥倫比亞大學研究生物倫理學kap公共健康,嘛捌擔任神經科學kap分子生物學ê科學顧問工作。

亞茱

  戶口名:陳玉珠。1950年4—月tī台南縣新營鎮出世(目前是台南市新營區)1970年台南師專(這馬ê台南大學)美勞組畢業,教冊三十冬,2000年退休。1994年開始用台語寫作,包含:囡仔詩、現代詩、七字仔、散文、小說、台語歌等。

  Siraya語原作:羅宇真返:漢人,檢采有透著番仔血kap某mih某mih血,台北出世,對Siraya語言有興趣,程度拗蠻仔,毋過真敢寫。

Voyu Taokara Lâu

  台北出世,食頭路了後轉來做老學生,現此時蹛新竹較濟,對語言、歷史、哲學較有興趣。

吳瑞琪

  籍貫:苗栗縣三義鄉(今蹛彰化)。國立台北師院畢業。捌著100年教育部台灣本土語言文學獎客家語教師組現代詩第一名。著作:《恁久好無》(客家語現代詩)

陳胤

  本名陳利成,彰化縣永靖鄉人。淡江大學中文系出業。國中教師。柳河文化工作室負責人。佮意藝術創作,寫過幾若本詩集kap散文,得過一寡仔獎,目前繼續關心咱土地,繼續the寫詩,華語台語攏有......

楊振裕(1953~)

  彰化縣人。台中師院畢業,彰化師大特研所結業,目前擔任國小ê校長。有閒ê時陣參加一寡台語文社團,加減吸收寡智識,心適ê時嘛會寫寡台文,共家己ê見聞感受kap無成熟ê見解,透過上熟似、親切ê文字表達--出-來,感覺he是一件爽快閣有意義ê代誌。

王昭華

  屏東人,淡江中文系,捌擔任雄獅美術出版社文編,2002年起參與康軒版台語教科書編寫,2006年發行個人創作專輯「一」,2007年海翁文學獎散文組正獎,2011年台灣文學獎台語散文金典獎。以台文寫FB kap個人blog「花埕照日」。

潘科元

  屏東萬丹水泉人,大學講師,台語文教育者、創作者。望欲復興古語、創造新語、吸收外語(包括華語),建置新時代ê台語文,予咱ê祖公爸母話得著新活命,會得kap別人ê語文平坐徛。

林裕凱

  1966年尾,咱terh台北坪林尾(Piân-bér)出世,雙跤落塗,山頂快活過日,到七歲tèr爸母先遷永和倚阿伯,過半冬了後閣徙去新莊十八分地。國校欲讀了彼時徙心愛育幼院邊--á蹛,國中有考著上好班,tsiah去讀,1981考牢師大附中,1984讀了,咱庄腳囡仔走新竹去讀交通大學土木系。兩年過,性地buē ha̍h轉電子物理系,讀kah 2000年tsiah提著電子物理博士。了,有去做兵,過koh入科學園區做電子新貴。咱現tshír時佇麻豆真理大學通識中心博雅教育組。寫台語文按1991開始,文學受林央敏啟蒙,台語文受陳明仁老師指導。寫詩咱想講是學講話,講家己ê心內話。進前所寫,量約分三類,一--者自我探索、抒發、二--者批判公共事務、第三摘取靈感。

陳威志

  陳威志,台南人。做兵期間,捌得著阿却賞台語文詩組創作獎。退伍了後,蹛過報社一站,尾--à入去環保團體食頭路,想欲走揣無仝款ê「政治(社會)實踐」,過程中hām日本ê市民團體開始有接觸,佇2008年秋天來到日本,現此時佇一橋大學社會學研究科博士班修行。

黃文宏

  成功大學物理系教授
  1953年,出世ti 雲林縣斗六市。
  1985年,清華大學物理博士班畢業。
  2007年,tsiah知影有台語文學世界。
  2009年,第一篇台語散文--祕境烏石崎 (台文通信)。
  2011年,第一篇台語小說--半暝過溪(台文通信)。

王薈雯

  1986年台中出世,高雄大漢,麻豆人;台中教育大學台灣語文學系出業。細漢感覺台語是大人teh講--ê;一目nih,我就變大人,會當講台語--ah
 
藍春瑞


  1952年出世t„雙溪鄉,東吳政治系出業,現時teh做公務員,倚beh 30冬--a。Kò人較hìng peh山,hioh-khùn日mä誠tsia̍p去sçh台北地區ê淺山;練身體以外,ë-tàng予家己用koh-khah謙卑ê心,來款待所有ê世事,才是上大ê收成。

邱偉欣

  本名邱偉欣。讀冊讀到30歲,才雄雄發現對家己ê土地了解傷少;因此放棄原來ê khang-khòe,轉來故鄉,重新學習,骨力學台語、客語,專心做文學創作,智識chhui-sak。
 

目錄


成熟ê印記
自由koh lè-táu ê光景-2012《台文通訊BONG報》年度編選報告


南路鷹世紀傳奇
詩人
過身
記持
葉仔原本生tī樹欉頂
失去一隻羊ê詩
白色眠夢
Kā花沃水
Saat Ka-purux-ng(島嶼)
楊桃ke味緒
Hōo柳河ê愛情明信片

散文
萬居--a擔埔社
草仔枝kap老雞母
hit工tī金剛寺山門邊
文旦,我
衝過鐵枝路ê「活力」?-走揣彼个「侍」(samurai)之二

小說
菩薩榮--ā成佛
十三、十五hia
上suí ê查某
事變
 



成熟ê印記-廖瑞銘

 
  年度選kán-ná是樹仔ê年輪,是性命ê記錄,嘛是成熟ê印記。這本台語文學年度選就是咱ê母語成熟、開花ê展示。
 
  上頭先是咱毋甘家己ê母語佇面前消失--去,tsiah mî-nuā 咧呼籲ài保存母語,用運動去形成台灣社會ê共識。經過幾十年ê拍拚,咱ê母語佇台灣社會總算有伊生存ê空間,有發展ê希望。認同這个母語理念ê文學作家嘛開始有人轉換文學書寫語言,kap母語運動者共同發展戰後台灣這一波ê母語文學運動。按呢,咱毋但是共母語權保牢--咧,恢復母語ê性命,koh用母語發展出咱ê新文學,母語文學就是母語復振運動ê產物。
 
  《台文通訊》對台文運動出發,本成是美國洛杉磯一陣台文寫作會ê成員發表作品ê平台,後--來,發展成做海內外台文運動者共同ê平面媒體。《台文通訊》台灣總連絡處台北寫作會佇1996年另外創辦《台文BONG報》,自我定位做「台語文學專門雜誌」。2012年,兩个刊物合併做《台文通訊BONG報》,希望會當發展做一份台語文綜合雜誌,予台語存在佇咱生活个每一个角落,記錄、描寫生活ê每一个細節。相對的(tik),咱ê台語文學會當再現生活ê每一个領域,關心每一个階層ê台灣人,共文學當做是各行各業台灣人ê心聲表達,毋是kán-ná少數文人雅士ê專利。
 
  年度選是對《台文通訊BONG報》規年刊--出ê作品中精選--出-來-ê,咱thang共伊看做是這份刊物ê台文作家群年度性ê見本櫥展示,邀請逐家來欣賞。期待年度選一年一年編suà--落-去,就ká-ná母語這欉大樹綴年輪一輾一輾擴大、勇壯。
 
 

詳細資料

  • ISBN:9789868246089
  • 叢書系列:台文叢書
  • 規格:平裝 / 183頁 / 15 x 21 x 1 cm / 普通級 / 單色印刷 / 初版
  • 出版地:台灣

最近瀏覽商品

 

相關活動

  • 學習透過文字書寫旅行觀察、文化觀點及表達自己。謝哲青、黃麗如推薦《旅行者的寫作課》
 

購物說明

若您具有法人身份為常態性且大量購書者,或有特殊作業需求,建議您可洽詢「企業採購」。 

退換貨說明 

會員所購買的商品均享有到貨十天的猶豫期(含例假日)。退回之商品必須於猶豫期內寄回。 

辦理退換貨時,商品必須是全新狀態與完整包裝(請注意保持商品本體、配件、贈品、保證書、原廠包裝及所有附隨文件或資料的完整性,切勿缺漏任何配件或損毀原廠外盒)。退回商品無法回復原狀者,恐將影響退貨權益或需負擔部分費用。 

訂購本商品前請務必詳閱商品退換貨原則 

  • 2020 防疫展
  • 即將截止!三采兒童國際書展66折起
  • 2020 大學出版社聯展

訂閱電子報

想獲得最新商品資訊,請訂閱免費電子報