屁窒囡仔的謝師宴

　　臺文作家王昭華、臺北市立石牌國中校長黃桐良專文導讀
　　鄭順聰（臺文作家）
　　王禕梵（國立成功大學政治系助理教授）
　　吳美珠（臺北市立石牌國中國文教師、教科書編輯委員吳美珠）
　　陳豐惠（李江卻台語文教基金會執行長）
　　鬥贊聲

　　牛頭班也有春天，予人真正笑詼的臺語俗語和趣味
　　林連鍠橫跨《250公里》的路程，從啟智班到學生心中冷面笑匠的理化神，
　　化窮困農村家庭的堅苦拚搏精神，為冷冷仔會笑，心適甲會燒的一本冊 。

　　曾獲教育部本土語言特殊貢獻獎的石牌國中理化教師林連鍠，認為透過本土語言能讓人更認識臺灣，所以用臺語文寫下自己的日常生活，成為臺灣文學獎臺語文學創作獎得主。《屁窒囡仔的謝師宴》是他在臺文界耕耘多年所創作的第一本散文集。

　　教書的第一年，他就接到一個已經換過四位導師的班級，這群〈慢啼的大隻雞〉帶給他震撼教育，他又是如何讓學生服氣？同名篇章〈屁窒囡仔的謝師宴〉，鋪陳他只是擔任科任班級的痞子幫學生，與他關係好到足以稱兄道弟，還特地為他辦了場難忘的謝師宴。獲臺灣文學創作獎的〈望後冬〉，敘述老爸種蘿蔔打拚的過程，也以菜頭寓意人生。另一篇獲獎的〈轉〉，從屋簷下的兩張長椅寫來來去去的人世變化，既描摹無知少年的轉變，也譜寫母親期待孩子轉來歸鄉的心情。

　　林連鍠曾製作《250公里》個人紀錄片在公視播放，回溯他從啟智班邊緣、匪類少年賽鴿迷惘的國中時光，到屁窒囡仔口中冷面笑匠的理化神的成長歷程。他有三分鄉土、三分喜氣、三分技巧，又有一分的努力堅持，造就十分成功的臺語文氣。他的氣口從底層出發，善用臺語的俗語和趣味，刻畫童年與青少年時期窮苦農村家庭的生存面向，對土地的情感和臺灣人堅苦卓絕的拚搏精神有深刻的描繪。他有臺語底氣，卻一點也不老氣，放牛班的孩子在他笑詼有趣的筆觸下，轉化知識為輕鬆的口訣與生命智慧，血氣少年家刺夯夯活起來，青春的活力在書冊中流轉。誠如父親打醒他人生路要好好走的一巴掌，挫折輕視曾刺痛他，但他發揮喜劇巨匠的口才與文字魅力，化血淚斑斑為淚中帶笑，讓人痛並笑著。

本書特色

　　★榮獲文化部國家語言整體發展方案支持和國藝會出版補助的臺語散文，描寫教育現況和農村生活。
　　★隨書附贈臺語有聲書QR Code試聽，用親像唸歌詩的臺語講故事，是學臺語的好助手。

名家推薦

　　★萬情萬種的臺語散文

　　便若林連鍠動一下仔喙舌、使一下仔筆仔尾，就予蟯蟯趖的讀者，恬恬仔坐落來讀。囡仔較按怎歹剃頭，代誌較按怎歹舞，伊攏有法度處理甲好勢好勢。頭殼動了痟緊，手路千變萬化，生甲像樸實做田人的伊，煞是教育和文學的雙刀流。這本《屁窒囡仔的謝師宴》，冷冷仔會笑，心適甲會燒，毋但是「牛頭班的春天」，正正是臺語散文的「好年冬」囉。——臺文作家鄭順聰

　　每一个故事攏是作者人生的縮影，會當看著一位老師按怎用真心牽教學生、按怎用真情對待序大佮某囝、按怎用家己的人生故事來善待世界，若是你想欲知影「屁窒囡仔」到底按怎變作使人尊敬的老師、想欲知影對庄跤來到都市打拚的心情、想欲知影精彩的教學經驗佮故事，這本好冊千萬毋通落勾去！——國立成功大學政治系助理教授王禕梵

　　林連鍠老師攜著讀者徐行，一起見證過往的回憶，在這250公里的路途中有阿爸和阿母的柔情、夫妻的相依相守、學子笑中帶淚的成長、故鄉甜蜜的滋味。
　　鋤頭是他的筆桿，他深掘創作的題材，在寫作園地烙下他的堅持與熱情。臺語文是他心中的丘壑與人生風景，更添深情與浪漫的景緻。
　　我們深信250公里的路程處處是驚喜，故事未完，所以我們一直待續。——臺北市立石牌國中國文教師、教科書的編輯委員吳美珠
 

作者簡介

林連鍠

　　臺北市立石牌國中理化教師。小學一年級差點被送去啟智班，求學路上跌跌撞撞，但都努力尋求翻轉。喜歡用臺語文寫出自己的成長故事、鄉土的懷念還有教書生涯的點滴。曾獲臺灣文學獎、臺南文學獎散文、小說首獎。2020獲教育部推動本土語言特殊貢獻獎。2022獲臺北市特殊優良教師、教育部師鐸獎，指導2024全國科展國中化學類佳作，2024獲選教育部教育典範人物。
 

屁窒囡仔的謝師宴
 
鳳凰木開影目的花來迎接六月，𧌄蜅蠐 下性命喝來鬥鬧熱，天氣綴咧燒熱起來，畢業典禮嘛鬧猜猜咧舉行，看著學生囡仔畢業離開，彼款複雜又閣有淡薄仔毋甘的心情，啊嘛就愛做老師的阮，才有法度體會其中的鹹酸苦汫。
 
六月，嘛是謝師宴的大月，毋過社會風氣改變，本底是感謝師恩、惜別的場合，沓沓仔變做囡仔耍手機仔、爸母負責出錢的儀式爾，啊若想欲閣看著學生因為感謝老師，激動甲輾目屎，彼種機會就若無啥可能矣。
 
毋過，每一冬嘛攏有感動的代誌，佇我的身軀邊來發生。
 
「老師，阮欲共你辦一個謝師宴！」
 
「免啦，錢較儉咧！」教書三十捅冬，感受會著彼頓飯無簡單食，食彼頓，敢就有較好？
 
「干焦邀請你！」
 
聽著這句話，我攑頭看對這个懸我一粒頭的阿佑。
 
「恁呔會當無邀請恁導師？」
 
「這毋是全班的活動，是干焦阮八个『痞子幫』的請你！」彼工放學了，遮的學生囡仔走來辦公室揣我。
 
痞子幫？這个華語詞對別人來講，凡勢較無遐好聽，毋過這是我和in上má-tsih 的稱呼。
 
講著痞子這個名詞，就愛對阿斌講起。
 
「這是咱這學期欲上課的講義，逐家愛好好仔……」一本理化講義兩百捅頁，攏是用心血編好的內容。
 
話講了無幾工，我那講課那行落去學生的邊仔，看in有共我講的物件寫予好無，啥人知影行到阿斌的位，才看著伊的講義干焦賰兩頁。原來伊提去工藝課，舒 佇下底割伊的色紙。
 
「你──」我氣甲連話都講袂出來。
 
「袂──使得--hioh？」生著烏焦瘦，講話閣大舌的阿斌，按呢共我應，若毋是看伊的手挈一支刀仔，我真正足想欲共伊pa落去。
 
喙齒根咬牢咧，拳頭拇捏絚絚，目睭直直共我睨。
 
「老師，莫插伊 ！」邊仔一个誠大箍的阿宏替我贊聲。
 
「你──袂爽—hioh？」
 
「欲相拍 —hioh？」
 
「來──啊！」
 
本底是我和阿斌的代誌，這馬煞變做伊和阿宏咧唱聲。我趕緊徛佇in兩个的中央攔 予開。
 
「老師，阿斌毋敢和大箍的相拚啦!」阿潘插入來冤。
 
「啥人──講我毋敢？」阿斌換做和阿潘冤起來。
 
若按呢落去，絕對袂收煞，趕緊喝欲上課，我知影若欲改變這陣囡仔絕對毋是三兩工的代誌。