周星星度身訂做的喜劇：全球第一本模擬周星星演出之搞笑劇本

　　想親身體驗星爺的無厘頭搞笑嗎？此劇本為你量身打造，讓你化身周星星，演繹經典橋段！

　　本書面世，旨在搞笑。書中描寫故事的技巧及對白之撰寫，皆是仿效周星星的風格為依歸，一般評語是「模擬度甚高，但搞笑手段仍欠星爺一皮」，啊！我認為「欠星爺一皮」，其實是讚美詞，所以我很高興及驕傲。

　　此書面世另一個目的，是刺激星爺及喚醒他的創作慾念，早日有新作面世與在幕前亮相，以滿足廣大「星迷」的「飢餓」。此目的非常宏觀，希望過大，可能白費心機。

　　本書油墨未乾及本賀歲片在拍攝中，已榮獲下列幾項及榮譽：
　　１. 芝加哥閱讀協會（CRC）——年度最正能量讀物全獎（Golden Award: The Most Positive Publication）
　　２. 泛南美國際電影節（PSAFF）——開幕禮觀摩電影（The Opening Pick）
　　３. 紐澳出版人總商會（NAPA）——年度最搞笑書刊金獎（Golden Award: The Most Gimmick Book）

　　本書及本片同人，謹向上述機構敬禮及致謝，「我們用文字創造歡笑，我們用光影細味人生」。

作者簡介

水本純（Jockey Chan）

　　原名陳敏生，資深跨媒體創作人，曾在電視、電影、唱片及報刊任職創作及行政工作四十餘載，亦是填詞人、專欄作家、節目主持及影視演員。著作十餘本，近作有《金牌任務》、《給弟弟一點溫暖》、《我在世界中心說愛你》及《周星馳喜劇研究》等。

這個寂靜小街上，中午。

周星馳踏著輕快的腳步前行，穿著西裝的他邊走邊唱改了詞的《帝女花》

他清晰地哼唱著：「落街冇錢買麵包，借錢又怕老婆鬧……！」

突然橫街閃出蛇仔明及潺仔強兩人，各持大刀，一左一右將大刀架在星仔頸上。

星仔淡然地問兩人：「兄台，兩位係咪想問路呢？問路嘅話，唔使出動D殺傷力咁重嘅架生吖！」

蛇仔明凶猛地叫：「一見到咁就知道老笠啦！」

星星詐作聽唔清楚回問：「咩話？老咩話？」

潺仔強清晰地說：「仲使乜問咩？一見到咁嘅情勢，就知道係「老笠」啦，英文叫做Robbery，Robbery啊！」

星星淡淡一笑回道：「啊，家吓做劫匪都要咁高英文水準，真係搵食艱難。正確黎講即係『持械行劫』姐！」

蛇仔明神氣地說：「超，一句老笠都解釋到出牙血咁滯，嗱！依家你係被劫者，攞曬身上D錢出嚟，我地一條毛都唔會傷你。」

潺仔強附和地道：「係咯，攞曬D錢出嚟！」

星星非常冷靜，他望一望架在自己頸上的大刀，然後用好學的口吻說：「借問一聲，兩位手上果把，係咪德國出品嘅『孖人牌』大刀呢？」

蛇仔明不耐煩地道：「係，係『孖人牌』又點，唔係『孖人牌』又點？」

星星沉著地說：「想得個『知』字姐，免得D差佬同我落口供果陣，我句句都答『無可奉告』姐。」

「超，如果你唔信係『孖人牌』，我示範一次比你開下眼界。」蛇仔明氣憤地說，他邊說邊用大刀割自己左手中指一下。

蛇仔明的中指立刻標出紅血。

潺仔強招積地說：「細佬，睇清楚，絕對唔係流嘢嚟架！」

星星理所當然地說：「傻啦，一睇就知道堅嘢啦，果然係『白刀入，紅刀出』，之不過咁，唔怕老實講，老笠呢家嘢，有史以來有無得爭住先嘅呢？」

兩人異口同聲問：「爭住先？」

星星悲涼地說：「實不相瞞，在下成副身家，只得一張廿蚊。」

星星掏出一張廿元紙幣，將之懸在半空。

兩人異口同聲慨歎：「得廿蚊？」

星星黯然地點點頭。

上天打了一個很響的雷。