內容簡介

老人（Sandiago，聖地阿哥）一生掠魚過日，勇健，人好，有經驗，有智慧，是漁村中え能人。料袂到，風水輪流轉，伊連續84日掠無一隻魚。頭40日，伊有伊え少年徒弟（Manolin）參伊作伙，這个少年あ5歲就每日參老人出海，綴老人學漁術。親像爸囝兄弟，老人足疼少年あ，少年あマ真敬愛老人。否過，連續40日掠無魚，衰上加衰，少年あえ老爸叫伊去參別人出船。老人感覺真孤單。少年あ猶逐日來看老人，幫伊搬機司。第85日，老人照常出海，認命，樂觀，有決心。前日，少年あ有送伊新餌，大魚愛喫新餌。老人想「每日攏是新え一日」，今あ日一定是好日，伊欲出海去小可あ咔遠，咔遠咔有大魚。一出去，代誌大條！咱看海明威安怎講。

揣あ揣，等あ等，伊敬業，有耐心，最後佇200公尺深え海底，伊鈎著一隻超大え魚，有1500磅。這隻劍魚真勇，伊拖老人え船一冥一日才出來參老人見面，咯再一冥一日才乎老人刺死。鈎著大魚以後，每分每秒，老人需要用技術、心神、體力，拚命搝彼條漁索，手搝呷流血流滴。這無輸揹十字架，放袂落去！更甚，受盡痛苦了後，掠著大魚縛佇船邊，回途中，規隻魚乎鯊魚群喫呷剩一支龍骨十八呎長。苦勝變慘敗。「漁人え雞胿」講「掠無著彼隻魚咔大隻」。好佳哉，猶有魚骨做證。三冥三日後，過半暝老人入港，掙扎轉去伊え寮あ。天光，少年あ看著伊，傷心流目水，伊用愛心照顧老人。最後，不管一切，伊決心欲倒轉來做老人え漁伴。從此，老人袂孤單。大敗變大勝，人性發光！

（え＝ê、之、的；あ＝á、仔、子、呀；マ＝ma、也）

作者介紹

作者｜海明威
美國名作家海明威（Ernest Hemingway）以短篇小說 The Old Man and the Sea 榮獲諾貝爾奬（Nobel Prize）。本小說出名全世界，有多數外國語言翻譯，甚至同一語言有數款版本。

譯者｜李清木
譯著李清木徹底研究台語語音，揭發台語「寫音字」佮「語音式文法」之美，著作《台語語音學》，而且用「意音字台文」創作本「純台語」譯版。李清木教授 1941 年出生佇台南縣、麻豆，文盲世家，但是伊本性好學。伊玉井國民小學畢業，靠「清寒獎學金」于麻豆「火車通學」台南二中初中、高中部，1959 年全國聯考第一名考入台大醫學院。伊醫科畢業就出國，佇 Pittsburgh 大學佮 Harvard 大學醫學院做臨床專科訓練、佮麻醉藥理學科研。李教授曾任教 Duke 大學佮 UCLA，39 歲就升任終身正教授。李教授有多方興趣，處處以求知為樂。本譯作え目的是拋磚引玉，以「意音字」台語文體引進一本通俗小說，是「意音字台文」佮世界文學え面會。

台語語音學：照物理生理分組排列え樂音式語言
台語え語音學奇蹟：十四个稀罕特色
台語音母：定音表，台語 alphabet
本冊常用台語漢字

林洪權序：正台文佮世界名作
獻詩
譯者自序一：老人佮海
譯者自序二：意音字台文
譯述：故事安尼開始

───老人與海───
緣起
　老人佮男童
　佇露臺店あ
　老人え寮あ
　無錢人え白日夢
　反哺情深
　飯後幸福え話仙
　睏飽有信心
新え一日
　出海
　頂真敬業
　觀察漁象，屢逐愈遠
　水母佮海龜
　圖一：黃鰭𩵚魶
有動靜
　外海孤舟、老人自言自語
　魚來食餌あ
　老神在在
開戰
　持久戰
　暗茫茫跋一倒
　同情一隻鳥あ
　補營養準備久戰
手勼筋え解結
人魚冤家見面
拚老命
拖老命え心戰，祈禱
　決死鬥え戰前
　回想少年時拚手力え偉大苦勝
　日落咯一暝
　人生、魚生え省思
　耐拖耐磨，歹食歹睏
　小可あ睏著，好夢
　圖二：譯者え豚魚
決死鬥
　圖三：譯者え兩隻劍魚
　人魚咯見面
　出海第三日
　最後苦刑
　執刑Execution
收煞，準備回航
　凱旋起帆
好景袂久長
抗鯊自衛戰
　抗鯊自衛戰一回合
　苦心省思
　抗鯊自衛戰二回合
　再省思
　抗鯊自衛戰三回合
　抗鯊自衛戰四回合
　深省思，想欲買運
　抗鯊自衛戰五回合，慘敗
一切了然，無牽掛
　回船入港
老少深情
人性大勝利
　老人袂咯孤單
　師生咯做伙掠魚
風雲奇事啥人知
煞戲

附錄一：譯者え釣魚經驗
　圖四：阿拉斯加え野鯨家族
附錄二：翻譯え信達雅簡
附錄三：本冊用字佮相關字詞（小字典）
附錄四：只今、安尼、ト、会董，本冊常用字詞え語音邏輯
附錄五：「老人佮海」書評佮原文選讀

譯者簡介

看更多

序

▍譯者自序一：老人佮海

老人佮海，1952年出版，是諾貝爾獎得獎人海明威え最偉大作品。短短え故事，充滿對人性え深刻認知佮描寫，是跨時代え名小說。海明威人生經驗豐富，著作終身，但是，只有這篇小說予伊家己感覺，伊揣著伊一世人所追求え境界。這篇小說，故事深刻，對白詳細，每一情節，每一轉彎，描寫善良え人性，鼓勵平常心，不怨天，堅忍樂觀，莫賴別人。結果，一个掠魚故事寫呷乎人真感動。佇這个掠魚謀生え戰鬥，老人大輸咯大贏，大贏咯大輸，甘甘苦苦，最後，空前え大魚提轉來只剩一身骨，浮佇港邊，放水流，淒慘え苦勝。對伊佮伊え少年あ徒弟え感情，老人苦戰，拚死拚命，只有巨大え魚骨來證明伊掠著魚。最後，少年あ自己下決心，欲倒轉來，咯作老人え漁伴，這是最催淚え人性發光，大勝利佇純樸え對話中恬恬あ講出來。
這个小說，故事真活，魚夠大，夠刺激，老人夠食苦、夠堅決。否過，情節也真實，老人流血、勼筋，大鯊魚え惡質，寫呷乎讀者「看会著」，魚え大小也接近實在え世界紀錄。小說媠，難怪，因為海明威本身是有經驗え漁人。
主角「老人」是啥款老人？伊一生掠魚過日，經驗豐富。伊愛想愛學，想真深，遇著危局想咯咔深。伊有良心，有愛心，伊教男童安怎掠魚，如父如兄如友。伊有智慧，處理困境，心平氣和，不怨天地，不咒詛人生。料袂到，伊歹運，連續八十四日掠無魚，咯失去伊え徒弟（看下段）。否過伊照常正面看人生，有希望，認真出海，伊講「每日攏是新え一日」。料袂到，這屆4伊鈎著一隻超大え魚，1500磅，磨伊え老命，乎伊受盡想像袂到え痛苦。伊え厄運，一關過一關。事實，鈎著大魚以後，每分每秒，老人需要用技術、用心神、用體力，無暝無日拚命，搝彼條漁索，對抗比伊十倍大、全身是肉え大魚。這無輸揹十字架，放袂落去！更甚，受盡痛苦了後，掠著大魚縛佇船邊，回途中，規隻魚乎鯊魚群喫呷存一支龍骨十八呎長。俗語「漁人え雞胿」講「掠無著え魚攏咔大隻」。好佳哉，猶有魚骨做證。
少年あ是啥款少年人？伊五歲就開始參老人出海，老人教伊漁術。老人足疼伊，伊足敬愛老人，尹好呷如兄如弟如友。起頭連續四十日掠無魚，已經是世界衰え衰，引起少年あえ老爸叫伊去綴別人出船。老少兩人真傷心，否過少年あ照常每日來看老人，來幫忙伊搬機司，來參伊講話。少年あ學著老人え平靜心，愛心。伊会曉請老人啉βi4lu2.（啤酒），提晚餐來予老人食晚頓，甚至買魚餌送予老人，希望伊掠著好魚。伊是人人歡喜え少年漁人，伊對老人え關愛人人知，所以伊半買半借半偷，來反哺老人，乎人感心。老人笑笑あ問「你提來這，否是偷え？」伊講「我有才調偷，否過，這是買え」。伊マ会曉「囡あ人講大人話」，伊講「咱有『信用』，買物件会使先提，以後才納錢」，其實尹兩个人攏無法度還錢。
大魚，啥款魚？老人掠著え劍魚是marlin。這款魚大隻，人人愛食，漁人愛掠。海明威家己是釣魚能手，常常釣marlin。劍魚え喙，尖利如劍，是厲害え武器。兩三款大魚有喙劍。其中一款，背鰭真闊，開起來親像船帆，親像旗，俗名「sail fish，旗魚」，另外類似え一款，背鰭尖尖如上弦月，叫作「marlin」（中語另名槍魚，參「tuna」混雜，所以最好叫「馬林魚」）。兩款劍魚攏大隻佮有力，游速高到130公里／小時。尹是釣魚人え漁術え最高考驗，漁人え夢。世界紀錄差不多1500磅，譯者え紀錄130磅，老人え魚差不多1500磅（圖三，譯者え劍魚，120頁）。
老人出世作漁人，伊有拍袂倒え無恨え善良人性。風水輪流轉，伊え辛辛苦苦、禍禍福福，是人生え寫實。少年あ是老人え善良人性え傳湠。這屆4出海，全途中老人離開文明，忍受最深え孤單，只有小鳥、大魚、惡鯊佮家己，自言自語（看附錄五）。一遍咯一遍，伊呷家己講，伊足希望少年あ佇身邊。海明威寫「年老え人無應該孤單」，何況佇孤舟外海佇苦戰。老人慘勝變慘敗，慘敗變慘勝。人佮人え關係，伊心愛え徒弟決心倒轉來咯作伊え漁伴，這是少年漁人え成熟，這是人性最大え發光。今後，老人袂孤單。
本小說有足多人生觀え名句，「男子漢否是出世來認輸え」「人可毀，不失志」，等。大海中，自言自語，赤心對青天，是人性最無掩蓋え流露。困境中，老人無失去善良，平靜，堅忍，樂觀，自在，智慧，機智。老人回思，伊え錯誤，唯一え錯誤，是出海相遠。否過，這也是為生活，抵著え。伊想，「可能我無應該作漁人，否過，我本底就是出世來作漁人」。
世界名歌名作，日語、中語譯版滿滿是，全台文え台語版落後，無跟上台灣文明え先進地位。「老人佮海」寫出人性え省思，有善有惡，有文有武，也有哲學意識。譯者用「意音字台文」寫出來分享。譯者有掠魚經驗（附錄一），也有英文寫作え經驗。為台語，本冊是譯者え拋磚，敬請為台語獻玉。

李清木
2025，洛杉磯近郊

看更多

詳細資料

ISBN：9786267666265
規格：平裝 / 218頁 / 21 x 14.8 x 1.14 cm / 普通級 / 單色印刷 / 初版
出版地：台灣

本書分類：文學小說> 翻譯文學> 美國文學
本書分類：文學小說> 世界經典文學> 歐美經典文學

主題活動

年度百大｜寫書評送25元E-Coupon

購物說明

若您具有法人身份為常態性且大量購書者，或有特殊作業需求，建議您可洽詢「企業採購」。

退換貨說明

會員所購買的商品均享有到貨十天的猶豫期（含例假日）。退回之商品必須於猶豫期內寄回。

辦理退換貨時，商品必須是全新狀態與完整包裝(請注意保持商品本體、配件、贈品、保證書、原廠包裝及所有附隨文件或資料的完整性，切勿缺漏任何配件或損毀原廠外盒)。退回商品無法回復原狀者，恐將影響退貨權益或需負擔部分費用。

訂購本商品前請務必詳閱商品退換貨原則。