周年慶
  • 電子書
都柏林人(台文版) (電子書)
主題活動 試閱
收藏試閱本 22
人收藏
適合手機 適合平板

都柏林人(台文版) (電子書)

Dubliners

  • 定價:450特價:315
  • 特價再88折:277
  • 優惠期限:2024年11月06日止
載入中...

電子書閱讀軟體

支援瀏覽器說明

APP下載:

  • 分享

優惠組合

 

內容簡介

愛呂蘭文學家詹斯.若依斯(James Joyce)
二十世紀現代小說開基之作《都柏林人》
頭一部全台文譯本,展現全新ê經典風采

  《都柏林人》(1914)是愛呂蘭文學家詹斯.若依斯頭一部重要作品,由十五篇短篇小說來組成。伊提愛呂蘭ê首都、伊ê故鄉「都柏林」做舞台,掠一陣無存在感ê市民做主角,描寫二十世紀初ê都柏林,uì囡仔、青年、大人到社會四常ê故事,表現𪜶五花十色ê內心面目。若依斯用寫實ê筆路,按步來黜破都柏林茫渺昏迷ê生活,診斷英國殖民所造成ê精神麻痺。十五篇小說,敆做一个系統性ê整體,伊寫人,嘛是寫城市。

  本冊成做《都柏林人》頭一部全台文譯本,毋但翻譯原文,閣稽考前行譯本佮文化背景做註解補充,更加要意台語文自本ê特色,以台語文ê語法、用字佮押韻,搬演故事ê情境佮歌詩ê聲韻。透由世界文學經典ê徙栽,推捒台語文行入現代。

  ◎本書榮獲文化部「語言友善環境及創作應用補助」
 
 

作者介紹

作者簡介

詹斯.若依斯 Tsiam-su Jio̍k-i-su(James Joyce, 1882/2/2-1941/1/13)


  愛呂蘭小說家、詩人佮文學批評家。《都柏林人》(1914)是伊ê一本短篇小說集,情節看著白汫無味,煞會黜破主角ê人生,突顯城市ê精神麻痺,若依斯從此佇世界文壇徛起。伊ê作品包括《青年藝術家ê畫像》(1916)、《尤里西斯》(1922)以及《芬尼根ê徛靈暝》(1939)。

譯者簡介

劉盈成 Lâu Îng-sîng


  高雄人。清華大學哲學碩士,中國文學博士,佇母校擔任助理教授。華語譯作包括《阿蘭布拉宮的故事》(2018)、《重新丈量世界》(2021)。蹽落去《都柏林人》ê台語翻譯,毋但為著這是現代小說ê開基祖,嘛是拋磚引玉,欲予世界文學成做台語文化ê一部份。
 
 

目錄

譯序|劉盈成

01|兩姊妹      Nn̄g tsí-muē
02|相搪       Sio-tn̄g
03|阿拉比      A-lá-pí
04|依芙蓮      I-hû-liân
05|賽車尾後     Sài-tshia bué-āu
06|兩位好漢     Nn̄g uī hó-hàn
07|寄蹛公寓     Kià-tuà kong-gū
08|一絲薄雲     Tsi̍t-si po̍h-hûn
09|相照影      Sio-tsiò-iánn
10|潤塗       Jūn-thôo
11|痛心記      Thòng-sim kì
12|爬山虎日ê會議室 Pê-suann-hóo-ji̍t ê huē-gī-sik
13|母親       Bú-tshin
14|聖恩       Sìng-un
15|亡者       Bông-tsiá

附錄:名詞英台對譯表
 

譯序(節錄)

《都柏林人》:寫人,嘛是寫城市
劉盈成


  《都柏林人》(1914)是詹斯.若依斯ê頭一部重要作品,提都柏林人ê市民做主角,寫做十五篇ê短篇小說。都柏林是愛呂蘭ê首都,大英帝國ê一座大城市,嘛是若依斯ê故鄉。十五篇敆做一个整體,表面是咧寫人,寫一寡中產階級市民,事實是藉市民來描寫城市,欲呈現這个城市(佮愛呂蘭)ê精神麻痺。自按呢,若依斯開示一條「城市解剖」ê路數,都柏林去予文學家頭一斗提伊「城市」ê身份來做題材。

  這个路數,台灣ê文學讀者拍算有熟似。《都柏林人》佮台灣文學(無論是華文或者台文)ê牽連,咱直接會聯想去白先勇(Pe̍h Sian-ióng)ê《台北人》(1971)。頭一項,這本號冊名就佮1914年ê《都柏林人》仝一个手法。限定一个城市,用幾若篇ê短篇小說,描繪(biâu-huē)城裡五花十色ê人。若依斯十五篇,白先勇十四篇,兩爿攏是敆做一个整體,解剖城市ê心靈。寫人,嘛是寫城市。

  都柏林這个城市毋但是誠實有,小說內底市民生活ê所在,包括街仔路、酒館、小店、建築物、冊店、地號名,猶閣有歷史人物ê遺事,攏是誠實--ê。Hām「英國殖民」佮「天主教」兩大勢力,嘛正經佇本城咧走跳。所致,小說虛構(hikòo)ê都柏林人,舉動言語攏有伊「寫實」ê環境。若依斯用這號筆路,忠實打造都柏林人無風無搖ê生活,佮無味無素ê故事情節。

  這寡都柏林人,主要是無「存在感」ê市民,nobody(若是《台北人》,有頭面ê人物就較濟)。𪜶ê人生故事,無啥物精彩ê情節,毋是奇巧刺激、予人讚嘆(tsàn-thàn)彼路。啊若依斯這部現代性格ê城市文學,干干仔就利用平凡小市民ê故事,來刺(tshiah)這个城市ê根底。

  《都柏林人》ê市民毋但有大人,嘛有囡仔、少年人,正經是「大人囡仔攏來看」。猶未成年--ê,有ê囡仔較巧,佮神父學智識,有ê人偷走學,有--ê數想初戀。大漢了後,有人正正當當上班食頭路,有人浮浪貢,有人按算欲交陪好額人,通做伙趁大錢。正經度日--ê,有人佇大學教冊或者私人教師,有人做辛勞,有人四界走傱賣貨,有人是厝稅予人蹛。宗教方面講著神父,有--ê中風,有--ê愛讀一寡世俗、刺激ê冒險小說,也有愛聽人偷來暗去ê情愛故事,也有人犯錯誤,袂當閣再主持彌撒、聽人告解。

  有人踏入婚姻罔度日,有人欲佮情郎相𤆬走、煞臨時叫毋敢,也有人孤身一个無想欲嫁娶。無情ê人放捨情愛,有情人心懷欲望;欲望若無滿足,有人拍囡仔拄數,有人用文學詩歌來消磨人生,有人艱苦甲去予火車挵死。有人酒啉甲茫茫,有人醉甲跋落樓梯跤,有人𠯗一下就好。有做老母--ê欲栽培查某囝踏入較好ê社會,嘛有老母利用查某囝ê青春,做套欲揣一个囝婿。有人認同愛呂蘭ê文化佮獨立地位,有人接受殖民統治,凊彩會得過就好。

  這都描寫浮世眾生啊,二十一世紀ê讀者凡勢看著誠慣勢矣。毋過越轉去百外冬前,天主教信仰、英國殖民攏是理所當然ê價值,這是都柏林ê「A面」。啊經過這十五篇故事,經過無風無搖ê生活描寫,市民ê心靈麻痺才來拆破。都柏林ê「B面」,自按呢就予若依斯共反(píng)出來。

  (略)

  用台語來翻譯世界文學經典,毋是干焦為著台語真親切、有鄉土味,予咱想起阿公阿媽,嘛毋是干焦欲宣傳台語有偌媠。台文譯本毋是綴佇華譯本後尾、罔加一種語言ê譯本,嘛毋是欲喝一句「《都柏林人》也會曉講台語喔」爾。正經講,世界各地文學、語言ê現代化,定著需要外國文學經典ê翻譯佮紹介。日本、華語ê文學,攏捌行過仝一條路,台語ê現代化嘛著愛。

  欲翻譯外國ê文學經典,有人嫌台語無彼號資格。我想著囡仔時代,老母捌提海明威《戰地春夢》ê華譯本,改用台語講予我聽。彼當陣阮英文袂曉,毋過,無仝語言有通互相來理解、轉述,這阮自來毋捌懷疑。
 

詳細資料

  • ISBN:9786267463178
  • EISBN:9786267463161
  • 規格:普通級 / 初版
  • 出版地:台灣
  • 檔案格式:EPUB流動版型
  • 建議閱讀裝置:手機、平板
  • TTS語音朗讀功能:無
  • 檔案大小:56.1MB

最近瀏覽

 

相關活動

  • 【文學小說-日系推理】台灣角川★輕.文學展 |人氣輕小說,單本82折!
 

購物說明

使用電子書服務即為同意『博客來數位內容服務條款』請詳見客服中心說明。

自備暢通的網際網路連線及符合博客來支援的行動裝置、電腦作為閱讀工具,支援版本如下:

瀏覽器閱讀:無需安裝,即可閱讀。支援Safari (14以上版本)、Chrome (103以上版本) 、Edge瀏覽器 (106以上版本)。

APP閱讀:支援IOS13及Android 7以上系統。

電子書、 電子雜誌因版本屬性因素,恕無法比照紙本書籍提供MP3、DVD實體光碟,亦無提供相關影音檔案下載,請先確認無此需求再行下單購買。

請注意:

博客來電子書服務所使用之軟體程式及其支援行動裝置之可用版本隨時會更新調整,請隨時留意且主動查詢調整之內容。並請定時更新您的行動裝置作業系統版本,以確保本服務運作正常。若因個人裝置因素(如:其他應用程式衝突、裝置記憶體不足、行動裝置支援版本無法升級),無法使用博客來電子書閱讀服務或影響服務效能,需自行進行排除待符合博客來支援項目再行閱讀。

退換貨說明:

電子書購買前請務必先行試閱,不提供10天的猶豫期。

下列商品購買後博客來不提供10天的猶豫期,請務必詳閱商品說明並再次確認確有購買該項商品之需求及意願時始下單購買,有任何疑問並請先聯繫博客來客服詢問:

1.易於腐敗、保存期限較短或解約時即將逾期。
2.客製化之商品。
3.報紙、期刊或雜誌。
4.經消費者拆封之影音商品或電腦軟體。
5.下載版軟體、資訊及電子書、有聲書及影音.課程
6.涉及個人衛生,並經消費者拆封之商品,如:內衣褲、刮鬍刀…等。
7.藝文展覽票券、藝文表演票券。