八方暢遊 游於藝：客話詩文集

序言
【自序】人生七十正開始／劉明猷
【推薦序】深耕客語領域的明猷先生／劉遠嵐
【推薦序】想說的畫／徐熏娸
【推薦序】持續創作／鄧茜云（西芸）

八方暢遊 游於藝 客話詩文集
散文
細心臼个藍海天
阿龍哥  講天缺
淺淺个味碟
人靚毋當命靚
入得灶下  出得廳下
日頭總會落山
毋係人做人，係錢會做人
生份拜訪个  勇氣
生活美學
庄中大老
來去台東 行踏
阿球伯 倆公婆
房頭內个  該位讀書阿姑
狗上灶—— 覓食
客家  大客家
就差  你一儕
萱草花開个時節
過庄  就係客
摘蕊花來  盎中插
熱天尋扇
課堂上的阿雄

新詩
課堂項个阿雄
一餐 堵 一餐
人無十足
十六个月華  特別圓
上崎下崎  落平洋
大戲一棚
水沙世界
打早
生牛仔  轉鄉下
白浪．幼沙．木麻黃
在乎你个  誠
存在个意義
有閒  來庄下尞
行出  寫字間
別人个肚團肉
兩個  唯一
空山  靜靈
花香  魚萋  瓜甜
所為  何事
放下  無恁該
放鳥出籠
思  考
春走  花還在
為 民 服 務
看  簷頭滴水
秋涼  風先知
音  樂
哲人  既遠行
時時  刻刻
胸前自有一片天
做麼个
參  選
問候  遠方个朋友
婚約紙一張  鼓勵話一句
情  真情  莫囥肚
教師節个獻禮
鳥仔．林間．尋食
單做表面  毋會長久
暑去秋來 婆孫情
等一個人  來
等一壺茶  滾
等苦楝樹  開花
雅室  燭光  見面會
歲末年終
聖哲既行遠
該  就係厥頭路
路頭  景致靚
路頭路尾  會相堵
嫩習習个  喊一聲
摎  三君做伴
榮面集一身
麼儕  耽誤了天才
產業詩〈憶 香茅〉
燒燒个新聞  會冷忒
親  友  會
遶尞  花東
鋸  甜粄
擎桌凳
總成一份  對你个情
避暑  講客夏令營
轉影
歡喜做

後記／劉明猷

 

自序

人生七十正開始
　
　　不知不覺就來到二○二三年个瓜月，掀看啊壁項掛等个日誌，一年過詐忒一半較加，仰會恁遽呢？回頭想，無做出半項麼个來，徒增毛長髮白定定，親像一事無成，目花齒又缺，離花甲之年又增添十個寒暑，話講「人生七十正開始」有影無？會忒慢無？

　　突然間，愐起有一位文友識激勵涯个一句真心話，係講「貴在不忘初衷」，一路行來有人鼓勵、有人看鬧熱；有人加油、有人誚㸐，無論如何，涯都愛接受、愛面對，因爭，當初發心想愛做這件事，係自家歡喜甘願个。

　　寫啊寫、錄啊錄欸，第八本《八方暢遊 游於藝》臨將愛整理、編輯成冊、付印出版囉！聽起來像食粥恁該，其實，做起來並毋係容易个事頭，乜愛經過一番苦心，涯也乜行過來欸，繼續努力還有最後一里路愛行。

　　兼身兼身个社會觀察，係一本好題目个書寫，寫過去，寫現代；寫親人、寫土地；寫民風、寫人心……這兜，都係值得涯去煞猛經營个，就驚你懶就怕你毋寫，寫下來正會留下來，先去做然後等待接受批評，萬萬不可跌落「刻佛毋會，相佛盡會」个溝壢，或者，這係一種情操一款意志。

　　文可長可短，心可大可小，體裁任你選，對象由你擇，寫去寫轉寫盡人間事，乜會係心肚所想个世界，日裡眼所見花花大千世界，到欸夜裡，想愛頓腳一下 ，好好來思考反想，就恁樣留下了新詩、散文這兜篇文，集四方友誼、匯八方瑞氣，眾人抬一來完成拙品一本。愛感謝个人盡多盡多，一一放入腦膈，銘記你兜儕个好，做為涯繼續寫下去个原動力，謹此所誌。

　　★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。