粵語聊齋

01 小獵犬
 
山西省出身的內閣大學士衛中堂，當年還是秀才時，因為嫌屋企太多雜務干擾，於是搬到一間寺廟暫住，專心讀書。但是寺廟裡又有蚊又有蚤，經常咬到佢睡唔到覺。
 
這日吃過晚飯，衛中堂上床休息，突然見到一個細細粒的小武士，身高大約兩寸左右，頭上插住羽毛，騎着一匹草蜢般細隻的馬，膊頭上還有一隻烏蠅般細的獵鷹，由屋外跑進來，在房裡一時行一時跑，巡來巡去。
 
衛中堂望到出神，突然又入來一個人仔，穿着和先前的小武士一樣，腰邊還有一把的的骰骰的弓箭，拉住一隻螞蟻般細隻的獵犬。過多一陣，有步行的，有騎馬的，幾百個細細個的人仔入來，跟着幾百隻烏蠅大的獵鷹，拉着幾百隻螞蟻大的獵犬，只要有蚊飛過，小武士就會放鷹撲殺，小獵犬則跳上床，爬到牆邊搜索跳蚤同床蝨的蹤影，匿在被褥和牆罅的跳蚤床蝨等，全部無所遁形，一一被小獵犬搵到，全部殺死。
 
衛中堂假扮睡覺，眯着眼偷睇。小獵鷹同小獵犬喺佢身上竄來跑去，然後有一個着黃色衫的人，戴着古時皇帝才可以戴的皇冠，好似是大王，爬上另一張床，然後將佢騎的小馬綁在床上。大王的隨從都下馬，眾多小武士輪流獻上戰利品，有的獻上蚊，有的獻上跳蚤，有的獻上床蝨，口裡都咦咦哦哦唔知講些甚麼。
 
過多一陣，大王坐上一架小車，佢的侍衛匆匆上馬，一時間萬馬奔馳，好快就全部走了。
 
衛中堂整個過程看得一清二楚，既驚訝又奇怪，唔知這些小武士由哪裡來，又要去哪裡。佢急急着鞋跑到門口，想望下佢哋去哪裡，但小武士們已經跑到無影無蹤了。