語言學家解破台語

-台語是方言？還是語言？
-「打朱使知南國英雄之有主。」這是越南文！
-「大丈夫」我都唸大丈夫，你呢？
-「看著」是see還是watching？
-「主詞／受詞」風味的「主語／賓語」
-媽寶、電話、接，怎麼排列組合？
-「有才調」是一個詞還是「有＋才調」兩個詞？
-「ima會落雨」降雨機率是50%還是100%？
-「慢慢仔」對「slowly」，是故「仔=ly」？
-「找錢」是你錢不見還是要找零？
-台語的花式否定詞
-無錢我無愛vs.沒錢我不要
-「毋免」就是「免」，那是在「毋」什麼？
-「無」有時候是「明明就有」的意思！
-Ｘ）點著蠟燭 （Ｏ）摔破碗公
-「行路」跟「跋倒」是不一樣的動詞
-足以大亂十字路口的「予過！」
-駛高速公路去食餐廳
-「倒爿、正爿，佗一爿？」
-從「一」開始就不一樣
-台語「好毋好？」竟然不等於華語的「好不好？」
-how、why、what一魚三吃的「按怎」
-你「嗎」不是我「mah」
-有時候「啥物」、「按怎」其實沒在問你意見
-「Itisraining.」的it是誰？
-聽到「燒喔燒喔」就知道湯麵要上桌了！
-貓共狗咬／貓給狗咬，到底誰咬誰？
-解鎖「予」的隱藏版功能
-語的that子句
-紅、紅紅、紅紅紅，哪個比較紅？
-「做警察做假的！」犯法嗎？
-慎防長輩們「啊」開頭的句子
-「獅仔會」沒有歧視的意思
-「人攏已經死矣」怎麼翻譯？
-台語詞彙比較「幼秀」
 

序

　　Tī學術箍仔，有兩款感慨，第一是：做台語研究ê人是少數，做台語句法研究--ê，koh-khah是少數內底ê少數；第二是：我m̄-nā一擺hōo朋友問講：「台語語法冊佗位有thang買？」Tsit兩个感慨，就是當原初想beh寫tsit本冊ê原因。

　　少數huān少數，m̄-koh久長粒積，台語句法相關ê論文to也少缺，偏偏仔讀ê人袂輸貓kiān水雞毛，m̄-tsiah會有朋友ài咱推薦台語語法冊。Koh-khah按怎講，學術論文一般人罕得會去摸，koh來，beh隨讀有嘛khah oh，咱若繼續關tī象牙塔寫論文，恐驚仔一百冬後嘛是佮一般人無khan-kha̍p，我感覺按呢真害。
　　
　　所擺，雖罔寫tsit款冊無「業績」，我嘛是拍拚寫，希望sia̋n-pái 佮現此時學者ê研究，會當用另外一款方式呈現，入去tī一般人ê世界，甚至吸引koh-khah濟人投入台語句法ê研究；另外，tsit本冊嘛會當tsiânn-tsò「台語語法冊佗位有thang買？」ê回應，講--起-來，就是ǹg-bāng頭前hit兩个感慨，tī未來會沓沓仔無--去。
　
　　是講，恁看冊皮大大典典寫：『反正市面上也沒有其他台語文法書，所以你也只能看這本了。』論真講，其實無影--lah，雖然khah罕，市面上猶原有冊名號做台語語法ê冊，佮台語語法相關ê冊嘛iáu揣有--leh，啊咱敢按呢kā人拐，就是精差tī咱有信心講：「我tsit本上淺白；我tsit本佮句法上kài相關。」

　　因為是「科普」ê非學術著作，tsit本冊無照學術格式，就按呢嘛無引用佮參考文獻，tī tsia特別提醒，tsit內底ê內容，就親像別本科普冊仝款，毋是tsiâu是作者家己想--ê，有足濟攏是sia̋n-pái in ê研究成果，我kan-tann是kā改寫，紹介hōo逐家niā-niā。

　　落尾，beh感謝五花鹽ê可樂、建興，感謝in hōo我tsit个機會出tsit本冊，koh tsiânn用心將規个初稿修削--過；嘛真多謝怡伶kā冊做tsiah-nī-á媠ê冊皮、畫海報、做規个美編、設計hām排版。各位推薦人，勞力！Hōo恁讀亂操操ê冊稿，寫推薦ê話，麻煩--恁--ah，尤其ài感謝陳豐惠執行長鬥tsih-tsiap。

　　最後，讀者若是冊讀了有心適，有beh考大學、研究所--ê，hōo我鼓吹，來讀相關ê科系，來做台語ê研究heh！